Rialachas
Bhunaigh Comhairle Cathrach Bhaile Átha Cliath Comhlacht Cultúir Chomhairle Cathrach Bhaile Átha Cliath in 2018. Faoi lánúinéireacht Chomhairle Cathrach Bhaile Átha Cliath atá ár gcomhlacht, ach oibríonn sé ar bhonn neamhbhrabúis agus faoi theorainn ráthaíochta. I mBunreacht ár gcomhlachta a luaitear ár gcuspóir: tionscnaimh chultúrtha a chruthú agus a sholáthar i gCathair Bhaile Átha Cliath agus cláir agus foirgnimh chultúrtha a chur ar bun, a chur i bhfeidhm agus a bhainistiú ar mhaithe le muintir na cathrach.
Tá an Comhlacht Cultúir faoi rialú bord stiúrthóirí - a mbíonn suas le seachtar ina measc - atá freagrach as rialachas agus maoirseacht a dhéanamh air. Is é ról an bhoird an feidhmeannas a stiúradh chun straitéis an chomhlachta a chur i bhfeidhm. Oibríonn an bord le foireann an Phríomhfheidhmeannais agus na Ceannaireachta chun a chinntiú go mbíonn an ghníomhaíocht go léir ag teacht leis an misean agus an fís agus oibríochtaí laethúla á dtarmligean acu do na baill foirne.
Is é an Coiste Airgeadais agus Iniúchóireachta, a mbíonn saineolas seachtrach comhtháthaithe leis, a dhéanann maoirseacht ar ár staid airgeadais, ár mbuiséid agus ár n-iniúchóireachtaí. Déanaimid iniúchóireachtaí seachtracha bliantúla agus tá próisis athbhreithnithe inmheánaigh i bhfeidhm againn. Is gnéithe lárnacha dár gcuid oibre iad an trédhearcacht, an chomhlíontacht agus an rialachas. Tá creat deartha againn lena gcinntítear go mbíonn ár n-oibríochtaí éifeachtúil agus ár rialachas ar ardchaighdeán.
Is í 622490 uimhir chláraithe an chomhlachta.
Is í IE3540932TH ár n-uimhir CBL.
Is é an seoladh cláraithe atá againn 14 Sráid Henrietta, Baile Átha Cliath 1, D01HH34.
Cathaoirleach
- Owen Keegan; iar-Phríomhfheidhmeannach Chomhairle Cathrach Bhaile Átha Cliath agus Chomhairle Contae Dhún Laoghaire agus Ráth an Dúin.
Stiúrthóirí
- Tom Dunne; Rialtóir Airgeadais an Ghrúpa, Rehab Group.
- An Dr Kerry McCall Magan; Stiúrthóir Tíre, Comhairle na Breataine.
- An Comhairleoir Cat O'Driscoll; Comhairleoir Cathrach Bhaile Átha Cliath um an gCabhrach agus Glas Naíon, na Daonlathaithe Sóisialta.
- Michelle Robinson; Bainisteoir Feidhmeannach um Limistéar an Láir agus an Oirdheiscirt, Comhairle Cathrach Bhaile Átha Cliath.
- An Comhairleoir Supriya Singh; Comhairleoir Cathrach Bhaile Átha Cliath um Dhomhnach Míde, Fine Gael.
- An Dr Ciarán Wallace; Údar agus Comhstiúrthóir Mhaoinchiste Annála Samhalta na hÉireann.
An Coiste Airgeadais agus Iniúchóireachta
Tom Dunne, Mary Griffin, Owen Keegan, Evelyn Whyms.
Tuarascáil na Stiúrthóirí agus Ráitis Airgeadais - le híoslódáil mar PDF (i mBéarla)
Le féachaint orthu agus le léamh ar líne:
Athbhreithnithe Bliantúla - le híoslódáil mar PDF
Straitéis an Chomhlachta - le híoslódáil mar PDF:
Tá roinnt foilseacháin eile a rinneamar i gcomhar le healaíontóirí agus grúpaí pobail foilsithe ar líne againn freisin. Tá na foilseacháin sin ar fáil le léamh anseo.