Hands-on History: Cúrsa samhraidh do mhúinteoirí bunscoile

I measc ár gcuid oibre le scoileanna, tá turais scoile, acmhainní do mhúinteoirí, ceardlanna staire agus comhthionscadail staire. Is in éineacht le páistí agus lena n-aghaidh a forbraíodh ár gcuid tionscadal agus clár scoile, a reáchtáiltear in 14 Sráid Henrietta, i nDún Richmond agus ar fud na cathrach faoi threoir ár Staraí Cónaithe do Leanaí.

Próiseas leanúnach síorathraitheach atá i gceist leis sin, agus muid ag leanúint dár gcomhráite le páistí chun feabhsuithe a chur air agus tionscadail nua a fhorbairt. Bailímid aiseolas ó mhúinteoirí i rith an phróisis freisin agus cinntímid go mbíonn ár n-ábhar ag teacht leis an gcuraclam scoile.

Is leis na smaointe sin go léir a chruthaímid cláir staire do bhunscoileanna atá idirghníomhach, an-spéisiúil agus ceaptha chun bheith chomh hionchuimsitheach spraíúil agus is féidir.

Le linn ár gcúrsa samhraidh nua do mhúinteoirí bunscoile, glacfaimid páirt i roinnt de na turais, na ceardlanna agus na gníomhaíochtaí sin. Gheobhaidh na múinteoirí bunscoile amach faoi fhoirgnimh agus acmhainní an Chomhlachta Cultúir a bheidh siad in ann a úsáid chun an stair a theagasc.

Tabharfaidh siad iarraidh ar a dtaighde féin mar ullmhúchán do theagasc na staire áitiúla agus beidh seans acu triail a bhaint as cineálacha éagsúla ceardlann idirghníomhach staire, ar féidir iad a chur in oiriúint do réimse topaicí staire agus leibhéil chumais.

Reáchtálfar an cúrsa ón Luan 28 Iúil go dtí an Aoine 1 Lúnasa. Is in 14 Sráid Henrietta, Baile Átha Cliath 1; Beairic Richmond, Baile Átha Cliath 8; agus an Lárleabharlann, Baile Átha Cliath 1, a bheidh sé ar siúl.

€45 atá ar an gcúrsa, agus áirítear ansin na turais, na hacmhainní agus na hábhair ar fad.

Tabhair do d’aire gur i mBéarla go príomha a thabharfar an cúrsa.

Is féidir cliceáil anseo nó féachaint thíos chun teacht ar shonraí iomlána an chúrsa: