An Nuacht is Déanaí
Nuacht | 21 Bealtaine 2025
Talk To Me le Stephen James Smith
Éist le guthanna mhuintir Bhaile Átha Cliath trí fhriotal Stephen James Smith.
Cruthaíodh an saothar ealaíne Dublin You Are 10 mbliana ó shin. Le friotal ó Stephen James Smith agus ó fhoireann d’ealaíontóirí atá bunaithe i mBaile Átha Cliath, thug an tionscadal sin léargas ar na comhráite agus na ceardlanna a bhí ar bun againn le daoine fud fad na cathrach ag an am.
I gcomhair chomóradh 10 mbliana an tionscadail Dublin You Are, chuamar i bpáirt le Stephen James Smith agus daoine de lucht na n-ealaíon chun saothar nua, ina n-áirítear filíocht agus scannán ealaíne, a chruthú mar léiriú ar ghuthanna daoine ó cheann ceann na cathrach. “Talk To Me” an teideal atá air.
Tá an píosa bunaithe ar fhaisnéis a bailíodh ónár gclár Cupáin Tae & Comhrá, ina ndéantar comhairliúchán le muintir Bhaile Átha Cliath trí idirphlé leanúnach ar fud na cathrach le 10 mbliana anuas.
Mar chuid dá phróiseas chun an píosa a chruthú, mheas Stephen breis agus 500 tuairisc ó na 10 mbliana uile den chlár Cupáin Tae & Comhrá. Bhuail sé le foireann eagraithe an chláir chun tuilleadh eolais a fháil ar phróiseas agus modheolaíocht na gceardlann Cupáin Tae & Comhrá, ar na cineálacha daoine agus grúpaí pobail a ghlacann páirt iontu agus ar a mbíonn le rá acu. Chumaisc sé an méid sin lena thaighde féin chun an dán a chumadh.
Tá ríméad orainn é seo a roinnt leat anois.